• مادا فعلت بحب ابكي خواطري؟
  و اهان عيني بالدموع و ارهق
  حب يسوق الي المهانة و البلي...
  انا اسيرك فان رضيت لتعتق
  حلمي فانه كل يوم ملتقي
  قلبي نزف.....عقلي تلف.....
  يا ليت غيرك قلبي(حبي) يسرقHoSsAm….
  
  

ممكن حد يسألني انا ليه بكتب الشعر ده؟سؤال انا سألته لنفسي و بعد اجابات متضاربة وصلت لاني: ممكن بحكم سني اكون لسة مجربتش اي ظلم في مصر ولا حاسس بتفريق طبقي..بس علي الاقل انا حاسس بالناس اللي عايشين حواليه لاني....(مش عايش لوحدي):الحلقة دي هتبقي عن الظلم في مصر> يا رب نعجب:]

*الظلم ده يابني معشعش فينا*
في كل مكان في الكون حوالينا
يمين وشمل قدام و وراك
الظلم ملازمك هنا وهناك

الظلم ده اصله فمصر قرينك
عدل؟!الكلمة دي بيني وبينك
العدل ده فين من مجرم يهرب
قتلو الاف في فلوسهم ينهب
ده عنده حصانة هترغي هتتعب
قضية,اتنين وتلاتة هتشيل
وهتبقي حبيبي في السجن ذليل..

الظلم ده اصله معشعش فينا
*في كل مكان في الكون حواليينا*

(سلسلة النصائح الابوية الحلقة الاولي).....

حبيبي لو ناوي تعمل مشاكل
لوناوي تعارض تقاوم تناضل
صدقني الحكومة مش هيسيبوك
و في اقرب معتقل هينفخوك

هتكون منافق تبوس الايادي
هتعيش كريم وتسكن في المعادي
هتفضل تكاكي بلادي بلادي
هتعيش حقير في العتبة بتنادي

ونصيحة يابني بصفة ابوية
بلاش تدور علي الديمقراطية
طول مانتا عايش في الجمهورية
يابني اصل دول ناس مفترية
خليك انت بس في الكلية

خليك في حالك متشغلش بالك
الدنيا ولعت ياعم انت مالك؟
واوعي تيجي جنب الريس
اديني قلتلك بلااش الريس
to be continued.... uncopied..waiting ur comments

SoRrY

tb3n ya gama3a ana asef gedn 3la el t25eer fl mwadee3 bs aw3edkom en fe posts 2orayeb.. bs el moshkela en el windows el gdeed bta3y mfoosh 3raby f ana h7awel ageeb windows gdeed w keep in touch with me b2a.........CoOL_sTuFF bLoGgER

2ArAb 7AbEeBy.....

حبيبي....قرب كمان حسسني بيك
اعيش انا ازاي غير بيك
انا قبلك حبيبي كنت فين
و وصلت فيين

قرب تعالي احضني
قرب كمان يا واحشني
دوبني فيك......
المسني بخفة قلبك
كلمني برقة همسك
عيشني بيك.....

قرب حبيبي شوية
قرب نسيني الدنيا
انا قبلك حبيبي كنت فين
ووصلت فييين؟...غير منقول

mabrouk ya rayes...

ِِالف الف مبرووووك .... و الله فرحنالك يا ريس احم احم...قصدي يابن ال ريس. جمال مبارك اتجوز يا جماعة يعني الحكم هيتورث هيتورث بالذوق بالعافية هيتورث ..يعني هو فخامة الرئيس كان محتاج ايه عشان يورث الحكم لسيادة فخامة الرئيس المستقبلي(جمال مبارك) ابنه؟ اقولكم انا.... 1- شعب عبيط بيوافق علي كل حاجة (زينا كده) الا-,من رحم ربي2-كام نائب مجلس شعب كده يكونو علي طوول منافقون..قصدي موافقون (الحزب الوطني البيروقراطي)3-ابن يكون جاهز من مجاميييعه و مستعد يطبق نفس سياسة ابوه و بسم الله ما شاء الله كل الشروط كانت متوفرة للتوريث ما عدا شرط واحد و هو.. ابن جاهز من مجامييعه كان جاهز يعني بس مش من مجامييعه لانه مكنش متجوز وطبعا الرئيس ميرضيهوش انه يمو...قصدي انه يفارق الحياة الا اما يطمن علي ابنه..ممم الناس كلها بتطمن علي اولادها بانهم يسيبلهم شقة,فلووس,كام فدان..انما الرئيس يطمن علي ابنه بانه يسبله حاجة اكبر شوية... الرئاسة ب معني اوسع (كل شقق و فداديين مصر)...ف طبعا الرئيس عشان يمو...قلنا يفارق الحياة و هو حاطط ف كر... قصدي فبطنه بطييخة صيفي و يضمن ان ابنه هو الرئيس يعني هو الرئيس كان لازم يجوزه و اديييه اتجوز
هنيئا لك يا سعادة الرئيس و هبيئا لك يا سعادة الرئيس المستقبلي اه
نسييت.......و اولع يا شعب مصر. غير منقول

ResAlEt 7Ob......

رسالة حب من الحكومة لأبنها المواطن





عزيزى المواطن بتاع النضال
يا راكب دماغك و غاوى الحلال
نصيحة يا صاحبى بلاش الخيال
و غمض عيونك و ربى العيال


بلاش المناكفة و لايم و عيش
هتتعب معانا و سهمك يطيش
نلفق للاهلك قضية حشيش
و تصبح حكاية و نكتة و مثال



تعالى و هاودنا و عدى الامور
و عيش فى الطراوة و خش الطابور
لكن لو هتزعل و دمك يفور
هنشهد نهايتك فى بحر الرمال



هتصبح حرامى هتصبح امير
هتصبح حرامى و ندل و اجير
و نقدر نلخبط فى اصلك كتيير
و جدك شحاتة هيصبح شحال



هنحلف ان الحبايب شافوك
بتقبض يا خاين و تقتل اخوك
ساعتها مراتك هتلعن ابوك
و تلطم و تنعى احط الرجال



مالكش انت دعوة بى اا اللى ضاع
و مين اللى شارى و مين اللى باع
و مين اللى كيل و مين اللى شال



فحب الحكومة و حب السلام
و علم ولادك يشدوا الحزام
علشان بكرة هياكلو حمام
و ينسوا الاسية و ينسوا الهزال



فلازم يا صاحبى تغمض عنيك
و طنش علينا نطنش عليك
و اياك تشاور نقطع ايديك
و تصبح مواطن ما يسواش ريال



عزيزى المواطن بتاع النضال
يا راكب دماغك و غاوى الحلال
نصيحة يا صاحبى بلاش الخيال
و غمض عيونك و ربى العيال


منقول.....